《終於搬進了新studio》

話說上年啱啱決定做全職插畫師嘅時候，我匆匆忙忙貪...

《終於搬進了新studio》

話說上年啱啱決定做全職插畫師嘅時候，我匆匆忙忙貪平搵咗個地方租，結果因為地點太遠，來回個幾鐘，返屋企要轉車，所以最後覺得每日周車勞頓好辛苦，懶得返就冇再租了。

人總在錯誤中學習😂後來我領略到租studio要搵近自己屋企少少，於是一年後，我就租咗呢個新地方💗注冊咗自己嘅插畫設計公司💗一手一腳佈置好屬於自己工作嘅地方💗創業成為只有我自己一個人嘅公司老闆喇😂😂

正所謂「工欲善其事，必須利其器」，我仲買埋最新嗰部iMac添（乘機購物😂）從此之後，我就唔洗再用部睇到眼都盲、得13吋嘅MacBook Air畫畫喇😂

雖然呢個studio地方小小，但就標誌住我繼續追夢嘅小小里程碑。Follow得耐嘅朋友，都知道我夢想係做一個少女系插畫家💗雖然失去咗空少呢個穩定職業，加上家庭經濟負擔，曾經令我經常擔心生計，但係一年半後嘅我居然仲未死得，亦都未放棄☺️☺️

小傭子我雖然唔算好出名，畫功亦有好大進步空間，好多謝仲Follow我嘅朋友，多謝你哋陪我追夢💗💗其實小傭子我心入面仲係好想返返去航空界，期待有朝一日會再飛返✈️✈️但奈何航空公司要再請人，恐怕唔係短期內嘅事，而家我唯有靠創作謀生住先💗慶幸都係我享受做嘅事💗💗

多謝搵我做嘢💗畀過機會、幫助過我嘅每一個人💗💗

我會繼續畫畫，創作更多故事畀大家睇☺️☺️啜卜～～～

期待幾年之後，呢個page可以改返名做「空中飛傭 The Flying Maid」啦‼️

---